samanta: వరుస హిట్లతో పారితోషికం పెంచేసిన సమంత?

సమంత కొంతకాలంగా తెలుగు .. తమిళ భాషల్లో వరుస విజయాలతో దూసుకుపోతోంది. విభిన్నమైన కథలను .. విలక్షణమైన పాత్రలను ఎంచుకుంటూ తన దూకుడును కొనసాగిస్తోంది. ఇటీవల తమిళంలో ఆమె చేసిన 'సూపర్ డీలక్స్' ఘన విజయాన్ని అందుకుంది. ఈ సినిమాలో సమంత పోషించిన వైవిధ్యభరితమైన పాత్ర ..ఆమెకి ప్రశంసలు తెచ్చిపెట్టింది.

ఇక తెలుగులో ఆమె చేసిన 'మజిలీ' చిత్రం భారీ విజయాన్ని సొంతం చేసుకుంది. చైతూ కెరియర్లోనే అత్యధిక వసూళ్లను సాధించిన చిత్రంగా నిలిచింది. దాంతో సమంత క్రేజ్ మరింతగా పెరిగిపోయింది. ఈ నేపథ్యంలో ఆమె తన పారితోషికాన్ని పెంచేసిందనే టాక్ ఫిల్మ్ నగర్లో బలంగా వినిపిస్తోంది. ఒక్కో సినిమాకి 3 కోట్ల వరకూ డిమాండ్ చేస్తోందని చెప్పుకుంటున్నారు. తెలుగు .. తమిళ భాషల్లో సమంత అగ్రస్థానంలో కొనసాగుతుండటం వలన, ఆ మొత్తం ఇవ్వడానికి నిర్మాతలు వెనుకాడటం లేదని చెప్పుకుంటున్నారు.