rajani: రజనీ మూవీకి టైటిల్ ఖరారు .. ఫస్టులుక్ రిలీజ్
- పోలీస్ ఆఫీసర్ గా రజనీకాంత్
- కథానాయికగా నయనతార
- సంగీత దర్శకుడిగా అనిరుధ్
![](https://img.ap7am.com/bimg/tnews-bb1d88fb79ad5278fb11e36b93aca11469e9e34d.jpg)
రజనీకాంత్ కథానాయకుడిగా మురుగదాస్ దర్శకత్వంలో ఒక సినిమా రూపొందనున్న సంగతి తెలిసిందే. ఈ ఇద్దరి కాంబినేషన్లో నిర్మితమవుతోన్న ఫస్టు సినిమా కావడంతో, అందరిలోను ఆసక్తి వుంది. ఇక 'సర్కార్' హిట్ తరువాత మురుగదాస్ .. 'పేట' విజయం తరువాత రజనీ కలిసి చేస్తోన్న సినిమా కావడం వలన కూడా ఈ ప్రాజెక్టుపై అంతా దృష్టి పెట్టారు. తాజాగా ఈ సినిమా టైటిల్ ను ఖరారు చేస్తూ ఫస్టులుక్ ను రిలీజ్ చేశారు.
'దర్బార్' అనే టైటిల్ ను సెట్ చేసుకుని వదిలిన ఫస్టు లుక్ .. రజనీ అభిమానులను ఆకట్టుకునేలా వుంది. రజనీ ఈ సినిమాలో పోలీస్ ఆఫీసర్ గా కనిపించనున్నాడనే టాక్ వచ్చింది. అందుకు తగినట్టుగానే ఈ పోస్టర్లో రజనీతో పాటు గన్స్ .. బుల్లెట్స్ .. పోలీస్ క్యాప్ .. పోలీస్ బెల్ట్ .. పోలీస్ డాగ్ .. కనిపిస్తున్నాయి. రజనీ డిఫరెంట్ లుక్ తో ఆకట్టుకుంటున్నాడు. లైకా ప్రొడక్షన్స్ వారు నిర్మిస్తోన్న ఈ సినిమాలో కథానాయికగా నయనతార కనిపించనుంది. అనిరుధ్ సంగీత దర్శకుడిగా వ్యవహరిస్తున్నాడు.