trivikram: త్రివిక్రమ్ .. బన్నీ సెట్స్ పైకి వెళ్లే తేదీ ఖరారైపోయింది

విభిన్నమైన కథ కోసం .. విలక్షణమైన పాత్ర కోసం అల్లు అర్జున్ కొంతకాలంగా వెయిట్ చేస్తూ వచ్చాడు. త్రివిక్రమ్ వినిపించిన కథ నచ్చడంతో ఓకే చేసేశాడు. గతంలో ఈ ఇద్దరి కాంబినేషన్లో వచ్చిన 'జులాయి' .. 'సన్నాఫ్ సత్యమూర్తి' సినిమాలు భారీ విజయాలను అందుకోవడంతో, సహజంగానే ఈ ప్రాజెక్టుపై అందరిలోనూ ఆసక్తి పెరుగుతోంది. ఈ సినిమా ఎప్పుడు సెట్స్ పైకి వెళుతుందా అని అంతా ఆత్రుతతో ఎదురుచూస్తున్నారు. ఈ నెల 24వ తేదీ నుంచి ఈ సినిమా రెగ్యులర్ షూటింగు మొదలవుతుందని తాజాగా అధికారికంగా ప్రకటించారు. ఈ రోజున అల్లు అర్జున్ పుట్టినరోజు కావడంతో, ఈ సందర్భాన్ని పురస్కరించుకుని ఈ విషయాన్ని ప్రకటించారు. అల్లు అర్జున్ కి ఇది 19వ సినిమా. హారిక అండ్ హాసిని .. గీతా ఆర్ట్స్ వారు ఈ సినిమాను సంయుక్తంగా నిర్మిస్తున్నారు. తమన్ ఈ సినిమాకి సంగీత దర్శకుడిగా వ్యవహరిస్తుండటం విశేషం.