allu arjun: బన్నీ పుట్టినరోజున ఫస్టులుక్ పోస్టర్
- త్రివిక్రమ్ తో అల్లు అర్జున్
- త్వరలో పూజా కార్యక్రమాలు
- ఈ నెల 24 నుంచి రెగ్యులర్ షూటింగు
అల్లు అర్జున్ తదుపరి సినిమా త్రివిక్రమ్ దర్శకత్వంలో ఉండనుంది. ప్రస్తుతం ఈ సినిమాకి సంబంధించిన పనులతోనే త్రివిక్రమ్ బిజీగా వున్నాడు. హారిక అండ్ హాసిని .. గీతా ఆర్ట్స్ వారు సంయుక్తంగా నిర్మించనున్న ఈ సినిమాలో అల్లు అర్జున్ డిఫరెంట్ లుక్ తో కనిపించనున్నాడు. ఆయన లుక్ ను ఖరారు చేయడం కోసం ఇటీవలే ఫొటో షూట్ ను నిర్వహించారట. మొత్తానికి ఒక లుక్ ను ఫిక్స్ చేసుకున్నారనీ, అల్లు అర్జున్ పుట్టిన రోజైన ఈ నెల 8వ తేదీన ఆ లుక్ ను రివీల్ చేయనున్నారని అంటున్నారు.
త్వరలోనే ఈ సినిమా పూజా కార్యక్రమాలను నిర్వహించి .. ఈ నెల 24వ తేదీ నుంచి రెగ్యులర్ షూటింగును ఆరంభించేందుకు సన్నాహాలు చేసుకుంటున్నారు. ఈ సినిమాలో అల్లు అర్జున్ సరసన కథానాయికగా పూజా హెగ్డే పేరు వినిపిస్తోంది. ఈ సినిమా తరువాత వేణు శ్రీరామ్ తో కలిసి సెట్స్ పైకి వెళ్లడం కోసం ఆ ప్రాజెక్టును అల్లు అర్జున్ లైన్లో పెట్టేసే ఉంచాడు.
