Hyderabad: విదేశీ యువతులతో వ్యభిచారం... హైదరాబాద్ లో 11 మంది అరెస్ట్!

హైదరాబాద్ లోని అమీర్ పేట ప్రాంతంలోని స్టార్ హోటళ్లలో వ్యభిచారం జరుగుతోందన్న సమాచారాన్ని అందుకున్న పోలీసులు, దాడులు చేసి 11 మందిని అరెస్ట్ చేశారు. వీరిలో నలుగురు విదేశీ యువతులు ఉండటం గమనార్హం. పంజాగుట్ట ఏసీపీ తిరుపతన్న వెల్లడించిన వివరాల మేరకు, ఆదిత్య పార్క్ హోటల్ లో హైటెక్ వ్యభిచార దందా జరుగుతోందన్న సమాచారం వచ్చింది.

 దీంతో ఎస్సార్ నగర్ పోలీసులు దాడులు చేయగా, ఇద్దరు యువతులు పట్టుబడ్డారు. ఇదే సమయంలో పంజాగుట్టలోని పోలో లాడ్జిపైనా ఇదే తరహా ఆరోపణలు వచ్చాయి. ఇక్కడ ఉజ్బెకిస్థాన్ కు చెందిన నలుగురు యువతులు, బెంగాల్ కు చెందిన యువతి, నలుగురు విటులు పట్టుబడ్డారు. పోలీసులు వస్తున్నారన్న సమాచారంతో నిర్వాహకులు పారిపోయారని తిరుపతన్న తెలిపారు. రాహుల్, సూర్య అనే ఇద్దరు వ్యక్తులు ఈ దందా నిర్వహిస్తున్నారని, వారి కోసం గాలిస్తున్నామని అన్నారు.