anupama: సినిమా కబుర్లు.. సంక్షిప్త సమాచారం

 *  ఒకరు మరొకరితో ఎప్పుడూ పోల్చుకోకూడదు.. అంటోంది కథానాయిక అనుపమ పరమేశ్వరన్. 'ప్రతి ఒక్కరిలోనూ ఒక్కో ప్రత్యేకత వుంటుంది. ఆ ప్రత్యేకతను గుర్తించి దానిని హండ్రెడ్ పర్శంట్ ప్రదర్శించడంపైనే దృష్టి పెట్టాలి. అంతేతప్ప, పక్క వాళ్లతో పోల్చుకుని వాళ్లలా చేయలేకపోతున్నామని ఫీలవ్వకూడదు. ఇది హీరోయిన్లకు కూడా వర్తిస్తుంది' అని చెప్పింది ఈ ముద్దుగుమ్మ.  
*  అఖిల్ అక్కినేని, బొమ్మరిల్లు భాస్కర్ కాంబినేషన్లో ఓ చిత్రాన్ని నిర్మించడానికి సన్నాహాలు జరుగుతున్నాయి. ప్రముఖ నిర్మాత అల్లు అరవింద్ నిర్మించే ఈ చిత్రం కోసం ప్రస్తుతం హీరోయిన్ ఎంపిక జరుగుతోంది. ఈ ఎంపికలో ఆలస్యం కావడం వల్లే చిత్రం షూటింగ్ ఇంకా ప్రారంభం కాలేదట.
*  ప్రముఖ నటుడు వెంకటేశ్ తనయ అశ్రిత వివాహం ఇటీవల జైపూర్ లో ఘనంగా జరిగిన సంగతి తెలిసిందే. కాగా, ఈ రోజు సాయంకాలం హైదరాబాదు, గచ్చిబౌలిలోని అన్వయ కన్వెన్షన్ లో వివాహ విందును భారీ ఎత్తున ఏర్పాటు చేశారు. సినీ, రాజకీయ, వ్యాపార, క్రీడా రంగాలకు చెందిన ప్రముఖులు దీనికి హాజరవుతారు.