Anushka Shetty: సినిమా కబుర్లు.. సంక్షిప్త సమాచారం

*  'భాగమతి' సినిమా తర్వాత అనుష్క కొంత గ్యాప్ తీసుకుని నటిస్తున్న చిత్రం 'సైలెన్స్'. హేమంత్ మధుకర్ దర్శకత్వం వహించే ఈ చిత్రం షూటింగ్ ఈ నెలలోనే మొదలవుతుంది. కాగా, ఇందులో అనుష్క పాత్ర చాలా ఫెరోషియస్ గా ఉంటుందట.
*  అల్లు అర్జున్ హీరోగా త్రివిక్రమ్ శ్రీనివాస్ దర్శకత్వంలో రూపొందే చిత్రం కోసం ప్రీ ప్రొడక్షన్ పనులు ముమ్మరంగా జరుగుతున్నాయి. ఈ క్రమంలో ఇందులో ఓ కీలక పాత్రకు బాలీవుడ్ నటుడు నానా పటేకర్ ను తీసుకోవాలని నిర్ణయించి, ప్రస్తుతం ఆ దిశగా సంప్రదింపులు జరుపుతున్నారట.
*  ఆకాశ్ పూరి హీరోగా పూరి జగన్నాథ్ నిర్మిస్తున్న 'రొమాంటిక్' చిత్రం క్యాస్టింగ్ లో మరో నటి కూడా చేరింది. తమిళనాట పలు కార్యక్రమాల ద్వారా పాప్యులర్ అయిన యాంకర్ దివ్యదర్శిని ఈ చిత్రంలో కీలక పాత్ర పోషిస్తోంది.  
*  'తలైవి' పేరిట తమిళనాడు మాజీ ముఖ్యమంత్రి దివంగత జయలలిత జీవితకథను తెరకెక్కించడానికి సన్నాహాలు జరుగుతున్నాయి. ఏఎల్ విజయ్ దర్శకత్వం వహించే ఈ చిత్రంలో జయలలితగా బాలీవుడ్ నటి కంగనా రనౌత్ నటించనుంది. విశేషం ఏమిటంటే, ఇందుకు గాను కంగన 24 కోట్ల రూపాయల పారితోషికాన్ని తీసుకుంటోందట.