Cricket: ఐపీఎల్ ఆరంభ వేడుకల ఖర్చు రూ.20 కోట్లు భద్రతా బలగాలకు ఇవ్వాలని బీసీసీఐ నిర్ణయం

ఇటీవలే జరిగిన పుల్వామా ఉగ్రదాడి నేపథ్యంలో ఇండియన్ ప్రీమియర్ లీగ్ (ఐపీఎల్) 12వ సీజన్ ప్రారంభ వేడుకలను బీసీసీఐ రద్దు చేసింది. అయితే, ప్రారంభ వేడుకల ఖర్చు రూ.20 కోట్లుగా అంచనా వేసిన బీసీసీఐ ఆ మొత్తాన్ని భారత భద్రతా బలగాలకు విరాళంగా అందించాలని నిర్ణయం తీసుకుంది.

ఆ రూ.20 కోట్లలో ఆర్మీకి రూ.11 కోట్లు, సీఆర్పీఎఫ్ బలగాలకు రూ.7 కోట్లు, నేవీ, వాయుసేన బలగాలకు చెరో కోటి చొప్పున అందించేందుకు బోర్డు వర్గాలు తీర్మానించాయి. ఈ మేరకు భారత క్రికెట్ కంట్రోల్ బోర్డు శనివారం ఓ ప్రకటనలో తెలిపింది. కాగా, ఐపీఎల్ తాజా సీజన్ లో తొలి మ్యాచ్ చెన్నై సూపర్ కింగ్స్, రాయల్ చాలెంజర్స్ బెంగళూరు జట్ల మధ్య చెన్నైలో ప్రారంభమైంది. చెన్నై జట్టు టాస్ గెలిచి ఫీల్డింగ్ ఎంచుకుంది.