Rakul: సినిమా కబుర్లు.. సంక్షిప్త సమాచారం
- హిందీ చిత్రం పూర్తి చేసిన రకుల్
- 'మన్మథుడు 2'కి సంగీత దర్శకుడు ఖరారు
- 'వెంకీమామ'కు మరో షెడ్యూలు
* అందాలతార రకుల్ ప్రీత్ సింగ్ చేస్తున్న హిందీ చిత్రం 'మార్జవాన్' షూటింగ్ పూర్తయింది. ఈ చిత్రంలో మరింత నాజూగ్గా కనిపించడం కోసం రకుల్ బరువు కూడా బాగా తగ్గింది. ఇందులో సిద్ధార్థ్ మల్హోత్రా హీరోగా నటించాడు.
* నాగార్జున హీరోగా రాహుల్ రవీంద్రన్ దర్శకత్వంలో 'మన్మథుడు 2' చిత్రం రూపొందుతున్న సంగతి విదితమే. ప్రస్తుతం ప్రీ ప్రొడక్షన్ పనులు జరుగుతున్నాయి. ఈ క్రమంలో ఈ చిత్రానికి సంగీత దర్శకుడిగా 'ఆర్ఎక్స్ 100' ఫేం చింతన్ భరద్వాజ్ ను ఎంచుకున్నారు.
* వెంకటేశ్, నాగ చైతన్య హీరోలుగా రూపొందుతున్న 'వెంకీమామ' చిత్రం రెండో షెడ్యూల్ షూటింగ్ ఈ నెలాఖరు నుంచి జరుగుతుంది. బాబీ దర్శకత్వం వహిస్తున్న ఈ చిత్రంలో వెంకీ సరసన పాయల్ రాజ్ పుత్, చైతూ పక్కన రాశిఖన్నా హీరోయిన్లుగా నటిస్తున్నారు.
