pawan kalyan: పవన్ పోటీ చేస్తున్న రెండు స్థానాలు ఇవే... ఖరారు చేసిన జనసేన

రానున్న ఎన్నికల్లో రెండు అసెంబ్లీ స్థానాల నుంచి జనసేన అధినేత పవన్ కల్యాణ్ పోటీ చేయనున్నారు. పశ్చిమగోదావరి జిల్లా భీమవరం, విశాఖపట్టణం జిల్లా గాజువాక స్థానాల నుంచి పోటీ చేయాలని పవన్ నిర్ణయించారు. ఈ మేరకు జనసేన నుంచి ప్రకటన వెలువడింది. నామినేషన్ దాఖలు చేసే రోజును ఈ సాయంత్రం లేదా రేపు ప్రకటిస్తారని తెలిపింది.

పవన్ ఎక్కడి నుంచి పోటీ చేయాలనే విషయంలో జనసేన జనరల్ బాడీ రాష్ట్ర వ్యాప్తంగా సర్వేను నిర్వహించింది. ఈ సర్వేలో అనంతపురం, తిరుపతి, రాజానగరం, భీమవరం, పిఠాపురం, పెందుర్తి, గాజువాక, ఇచ్ఛాపురంలు అగ్రస్థానంలో నిలిచాయి. ఈ ఎనిమిది స్థానాలపై జనరల్ బాడీలోని మేధావులు, విద్యావేత్తలు, ఇతర రంగాల నిపుణులు అంతర్గత సర్వేను నిర్వహించారు. అనంతరం భీమవరం, గాజువాకల నుంచి పోటీ చేయాలని పవన్ కు సూచించారు. వారి సూచన మేరకు ఈ రెండు స్థానాల నుంచి పోటీ చేయాలని పవన్ నిర్ణయించారు.