Harish Rao: హరీశ్ రావుకు మంత్రి పదవి ఇవ్వకపోవడానికి కారణం అదే!: రేవంత్ రెడ్డి

  • అమిత్ షాతో హరీశ్ రావు రహస్యంగా మాట్లాడారు
  • ఫోన్ రికార్డులను హరీశ్ పీఏ కేసీఆర్ కు అందించారు
  • హరీశ్ కు మంత్రి పదవి ఇవ్వకపోవడానికి ఇది కూడా ఒక కారణం

తెలంగాణ మంత్రివర్గాన్ని ముఖ్యమంత్రి కేసీఆర్ విస్తరించనున్న సంగతి తెలిసిందే. తొలి విడతలో 9 మందిని మంత్రివర్గంలోకి తీసుకోనున్నారు. ఈ జాబితాలో టీఆర్ఎస్ కీలక నేత హరీశ్ రావు పేరు లేకపోవడం చర్చనీయాంశమైంది. దీనిపై కాంగ్రెస్ నేత రేవంత్ రెడ్డి మాట్లాడుతూ, బీజేపీ జాతీయ అధ్యక్షుడు అమిత్ షాతో హరీశ్ రావు రహస్యంగా మాట్లాడారని సంచలన వ్యాఖ్యలు చేశారు. ఈ ఫోన్ రికార్డులను హరీశ్ పీఏ స్వయంగా కేసీఆర్ కు అందజేశారని చెప్పారు. హరీశ్ కు మంత్రి పదవి ఇవ్వకపోవడానికి ఇది కూడా ఒక కారణమని అన్నారు. రేవంత్ వ్యాఖ్యలు ఇప్పుడు తెలంగాణ రాజకీయాల్లో వేడిని పుట్టిస్తున్నాయి.

More Telugu News