lakshmis ntr: అబద్ధపు అభిమానుల్లారా.. మీ కన్నీటికి నేను బాధ్యుడను కాను: వర్మ
- ప్రేమికుల రోజున 'లక్ష్మీస్ ఎన్టీఆర్' ట్రైలర్ విడుదల
- వెన్నుపోటుకు నిజమైన అభిమానులు సిద్ధంగా ఉండాలంటూ వర్మ ట్వీట్
- ఆంజనేయస్వామికి ఆకు పూజ చేసి రెడీగా ఉండాలంటూ చురక
వివాదాస్పద వ్యాఖ్యలు, ట్వీట్లు చేస్తూ తన చిత్రం 'లక్ష్మీస్ ఎన్టీఆర్'కు రామ్ గోపాల్ వర్మ ఫుల్ పబ్లిసిటీ చేసుకుంటున్నారు. మరోవైపు ఫిబ్రవరి 14న ప్రేమికుల రోజు సందర్భంగా ఈ చిత్ర టీజర్ ను విడుదల చేయబోతున్నారు. ఈ విషయాన్ని కూడా తనదైన శైలిలోనే వర్మ ప్రకటించారు.
'ఎన్టీఆర్ అబద్ధపు అభిమానులారా, వెన్నుపోటుకు నిజమైన అభిమానులారా, రేపు పొద్దున్నే మీ మీ ఇళ్ళకి దగ్గరలో ఉన్న గుళ్ళలో ఆంజనేయస్వామికి ఆకు పూజ చేసి రెడీగా ఉండండి. ఉదయం 9:27 గంటలకల్లా మీ ముందుకు లక్ష్మీస్ ఎన్టీఆర్ టీజర్ ప్రత్యక్షం కాబోతోంది. మీ కన్నీళ్ళకి నేను బాధ్యుడిని కాదు.' అంటూ ట్వీట్ చేశారు.
