Chandrababu: మోదీ వ్యతిరేక కూటమిలో ముందుంటాం: చంద్రబాబు దీక్షకు దీదీ సంఫీుభావం

  • విభజన హామీలు, ప్రత్యేక హోదా కోసం ఢిల్లీలో బాబు దీక్ష
  • పార్టీ ప్రతినిధి డెరెక్‌ ఓబ్రీన్‌ ద్వారా మద్దతు ప్రకటించిన మమత
  • ఇటీవల కోల్‌కతాలో మమత చేపట్టిన దీక్షకు బాబు సంఫీుభావం

దేశ రాజధాని ఢిల్లీలో ఆంధ్రప్రదేశ్‌ ముఖ్యమంత్రి చంద్రబాబునాయుడు చేపట్టిన దీక్షకు పశ్చిమబెంగాల్‌ ముఖ్యమంత్రి మమతా బెనర్జీ మద్దతు ప్రకటించారు. ఈ మేరకు తమ పార్టీ ప్రతినిధి డెరెక్‌ ఓబ్రీన్‌  ద్వారా దీదీ సంఫీుభావ సమాచారాన్ని బాబుకు పంపారని తృణమూల్‌ నాయకుడు ఒకరు తెలిపారు. ప్రధానిమోదీ ప్రభుత్వానికి వ్యతిరేకంగా పోరాడడంలో ప్రతిపక్షం ఐక్యంగా ఉంటుందని, ఈ విషయంలో తాము ముందుంటామని ఈ సందర్భంగా దీదీ స్పష్టం చేశారని తెలిపారు. కేంద్రం తీరును నిరసిస్తూ రాజ్యాంగ పరిరక్షణ పేరుతో కోల్‌కతాలో మమతా బెనర్జీ దీక్ష చేపట్టగా చంద్రబాబు కోల్‌కతా వెళ్లి మరీ తన మద్దతు ప్రకటించిన విషయం తెలిసిందే.

More Telugu News