Allu Arjun: నువ్వు చేసుకున్నావా?: అల్లు అర్జున్, స్నేహా రెడ్డిల మధ్య సరదా సంభాషణ.. వీడియో వైరల్ !

రెండు రోజుల క్రితం టాలీవుడ్ స్టార్ అల్లు అర్జున్ తన కుమార్తె అర్హతో ముద్దుముద్దుగా మాట్లాడుతూ, "నాన్న చెప్పిన అబ్బాయిని పెళ్ళి చేసుకో నాన్నా..." అనగా, దానికి అర్హ అంతే ముద్దుగా 'చేసుకోను' అంటున్న వీడియో ఎంత వైరల్ అయిందో అందరికీ తెలిసిందే. ఇక ఈ వీడియో లైక్ ల మీద లైక్ లు, షేర్ల మీద షేర్లు తెచ్చుకుని వైరల్ అవుతుండగా, ఇదే వీడియోపై అల్లు అర్జున్ భార్య స్నేహారెడ్డి స్పందించింది.

ఇదే వీడియోను షేర్ చేస్తూ, "నువ్వు చేసుకున్నావా? మీ నాన్న చెప్పిన అమ్మాయిని!?" అని కామెంట్ పెట్టింది స్నేహ. తన శ్రీమతి పోస్టుపై స్పందించిన శ్రీవారు... "అబ్బఛా... నువ్వు చేసుకున్నావా!?" అని సరదా కామెంట్ పెట్టాడు. కాగా, వీరిద్దరూ కామన్‌ ఫ్రెండ్స్‌ ద్వారా ఒకరికి ఒకరు పరిచయమై, కొన్నాళ్ల ప్రేమ తరువాత పెద్దలను ఒప్పించి పెళ్లి చేసుకున్న సంగతి తెలిసిందే. వీరి కామెంట్లు ఇప్పుడు మరింతగా వైరల్ అవుతున్నాయి.