ntr: రాజమౌళి సినిమా కోసం దేశంలో తొలిసారిగా ఉపయోగిస్తోన్న కెమెరా లెన్స్

ఎన్టీఆర్ .. చరణ్ కథానాయకులుగా రాజమౌళి దర్శకత్వంలో 'ఆర్ ఆర్ ఆర్' రూపొందుతోంది. 'ఆర్ ఆర్ ఆర్' అంటే 'రామ రావణ రాజ్యం' అని చెబుతున్నారు. కొంతకాలం క్రితం తొలి షెడ్యూల్ ను పూర్తిచేసిన ఈ సినిమా టీమ్, ఈ రోజున రెండవ షెడ్యూల్ ను మొదలుపెట్టింది. ఎన్టీఆర్ .. చరణ్ పై భారీ సన్నివేశాన్ని చిత్రీకరిస్తున్నట్టుగా సమాచారం. ఈ సినిమాకి సినిమాటోగ్రాఫర్ గా సెంథిల్ కుమార్ చేస్తున్నారు. ఈ సినిమా కోసం భారత్ దేశంలోనే తొలిసారిగా అర్రి అలెక్సా ఎల్ ఎఫ్ .. అర్రి సిగ్నేచర్ ప్రైమ్ లెన్స్ ను ఉపయోగిస్తున్నాము అని ఆయన ట్వీట్ చేశాడు. ఈ లెన్స్ ప్రత్యేకత ఏమిటనేది తెరపై చూడవలసిందే. దాదాపు 350 కోట్ల బడ్జెట్ తో నిర్మిస్తోన్న ఈ సినిమాలో, కథానాయికలుగా కీర్తి సురేశ్ .. రష్మిక పేర్లు వినిపిస్తున్నాయి. ఒక ముఖ్యమైన పాత్రలో ప్రియమణి కనిపించనుందని అంటున్నారు. 2020 సంక్రాంతికి ఈ సినిమాను విడుదల చేయాలనే ఆలోచనలో వున్నారు.