Allu Arjun: అల్లు అర్జున్ మరో ఘనత... ఫ్యాన్స్ ఆశీర్వాదమేనని వ్యాఖ్య!

ఏప్రిల్ 2015లో ట్విట్టర్ ఖాతాను ప్రారంభించిన టాలీవుడ్ హీరో అల్లు అర్జున్, ఆపై, తరచూ పోస్టులు పెడుతూ, తనకు, తన కుటుంబానికి సంబంధించిన విషయాలను ఫ్యాన్స్ తో పంచుకుంటూ, వారికి మరింతగా దగ్గరయ్యాడు. ఈ క్రమంలో ఆయన ఫాలోవర్ల సంఖ్య 30 లక్షలను (3 మిలియన్ మార్క్) దాటింది. ట్విట్టర్ లో యాక్టివ్ గా ఉండటమే ఆయనకు ఈ ఘనతను సాధించి పెట్టిందనడంలో సందేహం లేదు.

ఇక ఇదే విషయాన్ని ట్వీట్ చేసిన బన్నీ, "ట్విట్టర్ లో 3 మిలియన్ ఫాలోవర్లకు చేరినందుకు మీకందరికీ కృతజ్ఞతలు. మీరు నాపై చూపించే ప్రేమే ఇందుకు కారణం. ఇందుకు నేను చాలా సంతోషంగా ఉన్నాను. ఇది నా బలం కాదు. అభిమానుల దీవెనలే. థ్యాంక్యూ" అని వ్యాఖ్యానించాడు. కాగా, 'నా పేరు సూర్య - నా ఇల్లు ఇండియా' తరువాత మరో సినిమాను అంగీకరించని అల్లు అర్జున్, త్వరలోనే త్రివిక్రమ్ దర్శకత్వంలో తెరకెక్కే క్రేజీ ప్రాజెక్టులో నటించనున్నాడు.

Thank you to all the 3 Million Followers on Twitter. Truly thankful  for the love showered on me . Very humbled . This is achievement is not my strength it’s YOUR blessing . THANK YOU !

— Allu Arjun (@alluarjun) January 20, 2019