nandamuri: సంక్రాంతి వచ్చిందంటే.. గాలి పటాలు గుర్తొస్తాయి: నందమూరి బాలకృష్ణ

సంక్రాంతి వచ్చిందంటే.. గాలి పటాలు గుర్తొస్తాయని నందమూరి బాలకృష్ణ తన చిన్న నాటి జ్ఞాపకాలను గుర్తు చేసుకున్నారు. ఓ ఇంటర్వ్యూలో ఆయన మాట్లాడుతూ, చిన్నప్పుడే కాదు ఇప్పటికీ తనకు సమయం దొరికితే తమ అన్నదమ్ముల పిల్లలతో కలిసి గాలి పటాలు ఎగరేస్తుంటానని చెప్పారు.

ఈ సందర్భంగా ఇటీవల విడుదలైన ‘యన్.టి.ఆర్’ తొలి భాగం ‘కథానాయకుడు’ గురించి ఆయన ప్రస్తావిస్తూ, ప్రతి సంక్రాంతికి విడుదలయ్యే తన సినిమా విజయం సాధిస్తుంటుందని, ఈసారి కూడా అలాగే జరిగిందని, ఈ విజయాన్ని అందించిన ప్రేక్షకులకు తన కృతజ్ఞతలు తెలియజేస్తున్నానని, సంక్రాంతి శుభాకాంక్షలు కూడా తెలుపుతున్నానని అన్నారు.

ఎన్టీఆర్ బతికున్న రోజుల్లో మీ కుటుంబసభ్యులంతా ఈ పండగ ఎలా జరుపుకునేవారన్న ప్రశ్నకు బాలయ్య స్పందిస్తూ, ఆయన చాలా బిజీగా ఉండేవారని, తాము కూడా చుట్టపుచూపుగా తన తండ్రిని చూడాల్సి వచ్చేదని అన్నారు. ఎప్పుడూ ఆయన చుట్టూ జనం ఉండేవారని, ఆయనతో గడిపేందుకు టైమ్ దొరికేది కాదని గుర్తుచేసుకున్నారు.