Samantha: సినిమా కబుర్లు.. సంక్షిప్త సమాచారం

*  ఆమధ్య 'అ..' చిత్రంతో నిర్మాతగా మారిన హీరో నాని త్వరలో మరో చిత్రాన్ని నిర్మించడానికి ప్లాన్ చేసుకుంటున్నాడు. ప్రముఖ రచయిత విజయేంద్ర ప్రసాద్ దర్శకత్వం వహించే ఈ కథానాయిక ప్రధాన చిత్రంలో సమంత ప్రధాన పాత్ర పోషించే అవకాశం వుందని తెలుస్తోంది.
*  ఎన్టీఆర్, వీవీ వినాయక్ కాంబినేషన్లో గతంలో వచ్చిన 'అదుర్స్' సినిమా మంచి హిట్టవడంతో దానికి సీక్వెల్ చేయాలనే ఆలోచన చేస్తున్న సంగతి విదితమే. సీక్వెల్ తప్పకుండా చేస్తానని ఎన్టీఆర్ కూడా చాలా సార్లు చెప్పాడు. ఈ క్రమంలో అదుర్స్ రచయిత కోన వెంకట్ తాజాగా చెబుతూ, అదుర్స్ సీక్వెల్ కి స్క్రిప్ట్ రెడీ అయిందని, ఇక ఎన్టీఆర్ ఈ చిత్రానికి డేట్స్ కేటాయించడమే తరువాయని చెప్పాడు.
*  తాజాగా చరణ్ హీరోగా 'వినయ విధేయ రామ' చిత్రాన్ని చేసిన దర్శకుడు బోయపాటి శ్రీను త్వరలో మహేశ్ బాబుతో కూడా చేయనున్నాడట. ఈ విషయాన్ని తాజాగా తనే చెబుతూ, మహేశ్ బాబుతో తప్పకుండా ఒక చిత్రం వుందని తెలిపాడు.