jai balayya: 'జై బాలయ్య' అంటూ రాజమౌళి కుమారుడి పెళ్లిలో ఎన్టీఆర్ సందడి.... వీడియో చూడండి

దర్శక దిగ్గజం రాజమౌళి తనయుడు కార్తికేయ వివాహం పూజతో జైపూర్ లో అంగరంగ వైభవంగా జరిగిన సంగతి తెలిసిందే. శనివారం మెహందీ, సంగీత్ కార్యక్రమాలు జరగ్గా, నిన్న రాత్రి వివాహం జరిగింది. ఈ కార్యక్రమాల సందర్భంగా టాలీవుడ్ ప్రముఖులంతా సందడి చేశారు. ఈ సందర్భంగా ఆ ఆసక్తికర సన్నివేశం చోటు చేసుకుంది. పెళ్లి వేడుకలో జూనియర్ ఎన్టీఆర్ తన బాబాయ్ బాలకృష్ణ గురించి మాట్లాడుతూ, 'జై బాలయ్య' అంటూ నినాదాలు చేశారు. ఈ సందర్భంగా పక్కనున్న వారు కూడా 'జై జై బాలయ్య' అంటూ తమ గొంతు కలిపారు.