F2 movie: విశాఖ బీచ్ లో ‘ఎఫ్ 2’ మూవీ ఆడియో సీడీ ఆవిష్కరణ

  • ‘విశాఖ ఉత్సవ్’లో ఆడియో వేడుక
  • ఆడియో సీడీని ఆవిష్కరించిన మంత్రి గంటా
  • ఈ వేడుకలో పాల్గొన్న హీరోలు వెంకటేష్, వరుణ్ తేజ్

విక్టరీ వెంకటేష్, మెగా ప్రిన్స్ వరుణ్ తేజ్ కలిసి నటిస్తున్న చిత్రం ‘ఎఫ్ 2’. ఈ చిత్రం ఆడియో రిలీజ్ వేడుకను విశాఖపట్టణంలో నిర్వహిస్తున్న విశాఖ ఉత్సవ్ లో ఈరోజు నిర్వహించారు. ఈ వేడుకకు ముఖ్యఅతిథిగా హాజరైన మంత్రి గంటా శ్రీనివాసరావు ఈ చిత్రం ఆడియో సీడీని ఆవిష్కరించారు.

అనంతరం, గంటా మాట్లాడుతూ, కొన్నేళ్లుగా ప్రతి ఏడాది డిసెంబర్ చివరి వారంలో విశాఖ ఉత్సవ్ ని రాష్ట్ర పండగగా క్రమం తప్పకుండా నిర్వహించుకుంటున్నామని అన్నారు. ఈ ఉత్సవం విశాఖకు అంతర్జాతీయంగా గుర్తింపు తెచ్చిందని సంతోషం వ్యక్తం చేశారు. భారత్ లోనే అందమైన నగరం విశాఖపట్టణమని, ఏ ప్రముఖుడు ఇక్కడికి వచ్చినా దీని గొప్పతనం గురించి ప్రస్తావించకుండా వెళ్లట్లేదని అన్నారు.

అటువంటి విశాఖకు సినీ ఇండస్ట్రీ తరలి రావాల్సిన అవసరం ఉందని కోరారు. వైజాగ్ లో ఉన్న తమ స్టూడియోలో చిత్ర నిర్మాణాలు ఎక్కువ సంఖ్యలో జరిగేలా చూస్తామని వెంకటేష్ తనకు హామీ ఇచ్చిన విషయాన్ని ఆయన ప్రస్తావించారు. వైజాగ్ అనేది సినిమాలకు సెంటిమెంట్ అని, ఇక్కడ షూటింగ్ లేదా ఆడియో రిలీజ్ ఫంక్షన్ ఏదో ఒకటి నిర్వహించాలని కోరారు.

ఇదే బీచ్ లో కత్రినా కైఫ్ తో కలసి నడిచా: హీరో వెంకటేష్

ఎఫ్ 2 చిత్రంలో రెచ్చిపోయేలా తనతో నటింపజేశాడని ఈ చిత్ర దర్శకుడు అనిల్ రావిపూడిని హీరో వెంకటేష్ ప్రశంసించారు. తన మొదటి సినిమా 'కలియుగ పాండవులు' నుంచి చాలా సినిమాల షూటింగ్ విశాఖలో జరిగిన విషయాన్ని ఆయన గుర్తుచేసుకున్నారు. ఇదే బీచ్ లో కత్రినా కైఫ్ తో కలసి నడిచానంటూ ‘మళ్లీశ్వరి’ చిత్రం గురించి వెంకటేష్ ప్రస్తావించారు.

More Telugu News