New Delhi: ట్రాఫిక్ పోలీసును 200 మీటర్ల మేర ఈడ్చుకెళ్లిన మందుబాబు... వీడియో ఇదిగో!

తప్పతాగిన ఓ మందుబాబు, తన వాహనానికి అడ్డుగా ఉన్న ట్రాఫిక్ పోలీసును దాదాపు 200 మీటర్ల దూరం ఈడ్చుకుంటూ వెళ్లాడు. దీనికి సంబంధించిన వీడియో ఇప్పుడు సోషల్ మీడియాలో వైరల్ అవుతోంది. న్యూఢిల్లీ శివార్లలోని గురుగ్రామ్ సమీపంలోని సిగ్నేచర్ టవర్ చౌక్ వద్ద ఈ ఘటన జరిగింది.

రాంగ్ రూట్ లో వస్తున్న ఓ కారును ట్రాఫిక్ పోలీసు ఆపగా, వాహనదారుడు ఆపకుండా వెళ్లేందుకు ప్రయత్నించాడు. ఆ కారు ముందుకు వెళ్లిన కానిస్టేబుల్ పైకి వాహనాన్ని ఎక్కించాలని చూశాడు. కారు బాయినెట్ ను కానిస్టేబుల్ గట్టిగా పట్టుకోగా, కారును దౌడు తీయించాడు. దాదాపు 200 మీటర్ల దూరం కారు వెళ్లింది. ఈలోగా మరో వాహనదారుడు ఆ కారుకు అడ్డుగా తన కారును తీసుకెళ్లడంతో మందుబాబు దొరికిపోయాడు. అతన్ని అరెస్ట్ చేశామని, కారును సీజ్ చేశామని పోలీసులు వెల్లడించారు.

#WATCH: Man stopped by traffic police for driving on the wrong side near Signature Tower Chowk in Gurugram, dragged traffic personnel on the bonnet of his car when the personnel tried to stop him. He was later arrested & the car was also seized. #Haryana (19.12.18) pic.twitter.com/BbyN79ysIW

— ANI (@ANI) December 20, 2018