Sai Pallavi: సినిమా కబుర్లు.. సంక్షిప్త సమాచారం

*  శర్వానంద్, సాయిపల్లవి జంటగా హను రాఘవపూడి దర్శకత్వంలో రూపొందుతున్న 'పడిపడి లేచె మనసు' చిత్రం విడుదలకు సిద్ధమైంది. ఈ నెల 21న దీనిని రిలీజ్ చేయడానికి సన్నాహాలు చేస్తున్నారు.
*  ఇంద్రగంటి మోహనకృష్ణ దర్శకత్వంలో దిల్ రాజు ఓ మల్టీ స్టారర్ ను నిర్మించనున్నారు. ఇందులో నాని, శర్వానంద్ హీరోలుగా నటిస్తారని నిన్నటి వరకు వార్తలొచ్చాయి. అయితే, శర్వా స్థానంలో దుల్కర్ సల్మాన్ ని తీసుకున్నట్టు తాజా సమాచారం.
*  గత ఏడాది ఆయుష్మాన్ ఖురానా, రాజ్ కుమార్ రావు, కృతి సనన్ ప్రధాన పాత్రలు పోషించిన హిందీ హిట్ చిత్రం 'బరేలీకి బర్ఫీ' తెలుగులోకి రీమేక్ అవుతోంది. ప్రముఖ రచయిత కోన వెంకట్ దీనిని తెలుగులో నిర్మిస్తున్నారు.
*  'అర్జున్ రెడ్డి' సినిమాతో హాస్య నటుడిగా పేరు తెచ్చుకున్న రాహుల్ రామకృష్ణ ఆ తర్వాత పలు చిత్రాలలో కమెడియన్ గా నటించాడు. ఈ క్రమంలో తాజాగా సందీప్ కిషన్ హీరోగా నటించిన తెలుగు, తమిళ చిత్రం 'నిను వీడని నీడను నేనే' చిత్రంలో రాహుల్ రామకృష్ణ విలన్ గా నటించాడట.