Hyderabad: ఎన్నికల ప్రచారం కోసం రేపు హైదరాబాద్ కు చంద్రబాబు

టీడీపీ అధినేత నారా చంద్రబాబు నాయుడు రేపు ఉదయం హైదరాబాద్ రానున్నారు. కూకట్ పల్లి టీడీపీ అభ్యర్థి నందమూరి సుహాసిని తరపున ఆయన ప్రచారంలో పాల్గొననున్నారు. హైదరాబాద్ లో చంద్రబాబు ఎన్నికల ప్రచార షెడ్యూల్ ను ఆ పార్టీ ఖరారు చేసింది.

ముందుగా నిర్ణయించిన షెడ్యూల్ ప్రకారం రాజేంద్రనగర్, కూకట్ పల్లి నియోజకవర్గాల్లో ఆయన ప్రచారం నిర్వహించనున్నారు. రేపు మధ్యాహ్నం కూకట్ పల్లిలో ఆయన ప్రచారం చేస్తారు. జేఎన్టీయూ, కేపీహెచ్బీ కాలనీ, కూకట్ పల్లి, వై-జంక్షన్, మూసాపేట, మోతీనగర్ మీదుగా ప్రచారం కొనసాగనుంది. మణికొండ, చిత్రపురి కాలనీ, ఖాజాగూడలో నిర్వహించే ప్రచారంలో కూడా చంద్రబాబు పాల్గొంటారని సంబంధిత వర్గాల ద్వారా తెలుస్తోంది.