varun tej: విలన్ పాత్ర కోసం వరుణ్ తేజ్ తో సంప్రదింపులు?

విభిన్నమైన పాత్రలను ఎంచుకుంటూ .. ఒక్కో సినిమాను చేసుకుంటూ వరుణ్ తేజ్ ముందుకు వెళుతున్నాడు. ఆయన చేసిన 'అంతరిక్షం' డిసెంబర్లో విడుదల కానుండగా, 'ఎఫ్ 2' సంక్రాంతి కానుకగా ప్రేక్షకుల ముందుకు రానుంది. ఈ నేపథ్యంలో విలన్ పాత్రకి వరుణ్ తేజ్ ను ఒప్పించే ప్రయత్నాలు జరుగుతున్నాయంటూ ఫిల్మ్ నగర్లో ఒక వార్త షికారు చేస్తోంది.

ఆ మధ్య తమిళంలో సిద్ధార్థ్ హీరోగా బాబీ సింహా విలన్ గా వచ్చిన 'జిగర్తాండా' భారీ విజయాన్ని సొంతం చేసుకుంది. దాంతో ఈ సినిమా తెలుగు రీమేక్ హక్కులను దిల్ రాజు సొంతం చేసుకున్నారు. ఈ సినిమాలో విలన్ పాత్ర కోసం వరుణ్ తేజ్ అయితే బాగుంటాడని భావిస్తున్నారట. ఆయనను సంప్రదించే దిశగా ప్రయత్నాలు జరుగుతున్నాయని అంటున్నారు. తమిళంలో విలన్ పాత్ర చేసిన బాబీసింహాకి ఆ సినిమా మంచి పేరు తెచ్చిపెట్టింది. అది దృష్టిలో పెట్టుకుని వరుణ్ తేజ్ అంగీకరిస్తాడో .. లేదంటే సైలెంట్ గా 'నో' చెప్పేస్తాడో చూడాలి.