Allu Arjun: హాట్ టాపిక్ గా మారిన అల్లు అర్జున్ టీషర్ట్
- 'టాక్సీవాలా' ఫంక్షన్ కి వచ్చిన బన్నీ
- అందరి చూపులు ఆయన టీషర్ట్ పైనే
- ఆ టీషర్ట్ ఖరీదు 65 వేలకి పైన!
విజయ్ దేవరకొండ హీరోగా 'టాక్సీవాలా' చిత్రం నిర్మితమైంది. ఈ నెల 17వ తేదీన ఈ సినిమా ప్రేక్షకుల ముందుకు రానుంది. ఇటీవల జరిగిన ఈ సినిమా ప్రీ రిలీజ్ వేడుకకి అల్లు అర్జున్ ముఖ్య అతిథిగా వచ్చాడు. ఈ వేడుకకి అల్లు అర్జున్ ధరించి వచ్చిన టీషర్ట్ పైనే అందరి చూపులు పడ్డాయి.
ఫంక్షన్ అయిన తరువాత చాలామంది ఆ టీషర్ట్ ఖరీదు తెలుసు కోవడానికి ఆసక్తిని చూపించారు. ఆ టీషర్ట్ ఖరీదు 65 వేలకి పైగా ఉండటంతో ఆశ్చర్యపోయారు. బన్నీ వాడిన ఆ టీషర్ట్ ఖరీదు గురించే ఇప్పుడు ఫిల్మ్ నగర్లో అంతా మాట్లాడుకుంటున్నారు. ఆ టీషర్ట్ ధరతో కూడిన ట్యాగ్ ను .. అల్లు అర్జున్ టీషర్ట్ ఫోటోను సోషల్ మీడియాలో కొంతమంది షేర్ చేస్తున్నారు. మొత్తానికి విజయ్ దేవరకొండ ప్రీ రిలీజ్ ఈవెంట్ కి వచ్చిన అల్లు అర్జున్, ఆ తరువాత అందరూ తన టీషర్ట్ గురించి మాట్లాడుకునేలా చేయడం విశేషం.
