ISRO: ఇస్రో ప్రయోగం విజయవంతం కావాలని తిరుమలలో శివన్ ప్రత్యేక పూజలు!

రేపు ఉదయం 5.08 గంటలకు జీఎస్ఎల్వీ మార్క్ 3డీ2 శాటిలైట్ ప్రయోగం ఉండగా, ఇది విజయవంతం కావాలని కోరుతూ ఇస్రో చైర్మన్ కే శివన్, ఈ ఉదయం తిరుమల శ్రీ వెంకటేశ్వరునికి ప్రత్యేక పూజలు జరిపించారు. శివన్ కు స్వాగతం పలికిన అధికారులు, దర్శనానంతరం స్వామి వారి తీర్థ ప్రసాదాలను అందించారు.

అనంతరం శివన్ మాట్లాడుతూ, ఈ శాటిలైట్ సమాచార సాంకేతిక రంగంలో విప్లవాత్మకమైన మార్పులను తీసుకు రానుందని అన్నారు. ఈ శాటిలైట్ తో జమ్మూ కాశ్మీర్, ఈశాన్య రాష్ట్రాలకు ఎంతో ఉపయోగం ఉంటుందని చెప్పారు. వాతావరణం అనుకూలంగా ఉంటేనే శాటిలైట్ ప్రయోగం చేపడతామని, లేకుంటే వాయిదా వేసే అవకాశాలు ఉన్నాయని చెప్పారు.