Rajamouli: ‘RRR’లోనే చిత్ర టైటిల్ కూడా ఉందట...
- ఈనెల 11న ప్రారంభం కాబోతున్న మల్టీస్టారర్
- ముఖ్య అతిథిగా హాజరుకానున్న ప్రభాస్
- టైటిల్ విషయమై ఆసక్తికర న్యూస్
దర్శకధీరుడు రాజమౌళి మల్టీస్టారర్ తెరకెక్కించనున్న విషయం తెలిసిందే. యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ ప్రధాన పాత్రల్లో ఈ చిత్రం తెరకెక్కనుంది. దీంతో ఈ సినిమాపై అంచనాలు ఆకాశాన్నంటుతున్నాయి. ఈ ఇప్పటికే పూర్వ నిర్మాణపనులు పూర్తి చేసుకున్న ఈ చిత్రం ఈనెల 11న ప్రారంభం కాబోతోంది. ఈ కార్యక్రమానికి ముఖ్య అతిథిగా ప్రభాస్ హాజరుకానున్నారని సమాచారం.
ఈ సినిమా విషయమై ఓ ఆసక్తికర వార్త వైరల్ అవుతోంది. ఇప్పటి వరకూ ‘RRR’ అంటే రాజమౌళి, రామారావు, రామ్ చరణ్‌గానే మనకు తెలుసు కానీ అందులోనే టైటిల్ కూడా ఉందని టాలీవుడ్ టాక్. ‘RRR’ అంటే ‘రామ రావణ రాజ్యం’అట. ఈ చిత్రానికి సంబంధించి మరో టైటిల్ కూడా హల్‌చల్ చేస్తోంది. అది ‘తారక్‌రామ్’. మరి ఈ రెండింటిలో నిజమైన టైటిట్ ఏదో.. లేదంటే ఇవి రెండూ కాకుండా మరేదైనా ఉందో అధికారిక ప్రకటన వెలువడితే కానీ తెలియదు.
