tamannah: రానా చేతుల మీదుగా తమన్నా మూవీ ఫస్టు లుక్

తెలుగులో తమన్నాకి అవకాశాలు తగ్గి చాలా కాలమే అయింది. ఆమె పారితోషికం ఎక్కువగా పెంచడం ఒక కారణమైతే, కొత్తగా వస్తోన్న కథానాయికల పోటీ ఎక్కువగా ఉండటం మరొక కారణంగా చెబుతారు. ఈ నేపథ్యంలోనే సందీప్ కిషన్ సరసన కథానాయికగా ఆమె 'నెక్స్ట్ ఏంటి' అనే సినిమా చేస్తోంది. బాలీవుడ్ దర్శకుడు కునాల్ కోహ్లీ ఈ సినిమాను రూపొందిస్తుండటం విశేషం.

ఈ సినిమాలో పూనమ్ కౌర్ .. నవదీప్ ముఖ్యమైన పాత్రల్లో కనిపించనున్నారు. తాజాగా టైటిల్ లోగోతో కూడిన ఫస్టులుక్ ను రానా చేతుల మీదుగా రిలీజ్ చేశారు. లండన్ లో ఎక్కువభాగం చిత్రీకరణను జరుపుకున్న ఈ సినిమాను, డిసెంబర్లో విడుదల చేయనున్నారు. ఇటు తమన్నాకి .. అటు సందీప్ కిషన్ కి ఈ సినిమా హిట్ చాలా అవసరం. వాళ్ల కెరియర్ కి ఈ సినిమా ఎంతవరకూ హెల్ప్ అవుతుందో చూడాలి.