Andhra Pradesh: హైదరాబాద్ లో బాణసంచా ఎంతసేపు కాల్చాలంటే.. నోటిఫికేషన్ జారీచేసిన పోలీసులు!

దీపావళి పండుగ సమీపిస్తుంటే బాణసంచాతో అన్నిప్రాంతాలు మార్మోగుతాయి. పిల్లలు రాకెట్లు, చిచ్చుబుడ్లు కాలుస్తూ సంబరాలు చేసుకుంటారు. అయితే శబ్ద కాలుష్యం, వాయు కాలుష్యం పెరిగిపోతున్న నేపథ్యంలో బాణసంచా అమ్మకాలకు లైసెన్సులు ఇవ్వరాదనీ, రాత్రి 8 నుంచి 10 గంటల వరకూ మాత్రమే టపాసులు పేల్చాలని సుప్రీంకోర్టు ఇటీవల ఆదేశించింది. తాజాగా కోర్టు ఆదేశాల మేరకు గ్రేటర్ హైదరాబాద్ పోలీసులు సైతం నోటిఫికేషన్లు జారీచేశారు.

హైదరాబాద్, సైబరాబాద్, రాచకొండ పరిధిలో ఈ నెల 7న దీపావళి పండుగ సందర్భంగా రాత్రి 8 గంటల నుంచి 10 గంటల వరకే బాణసంచా కాల్చాలని స్పష్టం చేశారు. అంతకుమించి టపాసులు కాల్చేందుకు అనుమతించబోమని స్పష్టం చేశారు. ఒకవేళ ఈ నిషేధాజ్ఞలను ఉల్లంఘిస్తే సిటీ పోలీస్ యాక్ట్ కింద కేసులు నమోదు చేస్తామని హెచ్చరించారు.