nagarjuna: నాగార్జున ఆ దర్శకులకు తేల్చి చెప్పేశాడట!

నాగార్జున ఒక వైపున యువ కథానాయకులతో కలిసి మల్టీస్టారర్లు చేస్తూనే, మరో వైఫున సోలో హీరోగాను తన స్థానాన్ని పదిలం చేసుకుంటున్నారు. గతంలో ఆయన చేసిన 'సోగ్గాడే చిన్నినాయనా' ఘన విజయాన్ని సాధించింది. ఆ సినిమాలోని 'బంగార్రాజు' పాత్రకి మంచి క్రేజ్ రావడంతో, అదే పేరుతో సీక్వెల్ చేయాలని ఆయన భావించాడు.

అయితే దర్శకుడు కల్యాణ్ కృష్ణ కథ విషయంలో నాగ్ ను మెప్పించలేకపోయాడట .. దాంతో నాగ్ ఆ ప్రాజెక్టును పక్కన పెట్టేసినట్టుగా చెప్పుకుంటున్నారు. ఇక 'మన్మథుడు' సీక్వెల్ ను రాహుల్ రవీంద్రన్ దర్శకత్వంలో చేయాలని నాగార్జున భావించారు. ఇటీవల రాహుల్ వినిపించిన కథ .. తనకి సెట్ కాదంటూ అసంతృప్తిని వ్యక్తం చేశారని అంటున్నారు. చూస్తుంటే ఈ ప్రాజెక్టును కూడా నాగార్జున పక్కన పెట్టేసినట్టేనని చెబుతున్నారు. ఇక సోలో హీరోగా నాగ్ ను మెప్పించే కథను ఎవరు వినిపిస్తారో చూడాలి.