rajasekhar: రాజశేఖర్ సినిమాలో ఇద్దరు కథానాయికలు

'గరుడ వేగ' తరువాత మంచి కథ కోసం వెయిట్ చేస్తూ రాజశేఖర్ కొంత గ్యాప్ తీసుకున్నాడు. ఇటీవల ఆయనకి 'అ!' సినిమా దర్శకుడు ప్రశాంత్ వర్మ ఒక కథ వినిపించాడు. ఆ కథ నచ్చడంతో వెంటనే రాజశేఖర్ గ్రీన్ సిగ్నల్ ఇచ్చేశాడు. సి.కల్యాణ్ తో కలిసి రాజశేఖర్ ఈ సినిమాను నిర్మిస్తున్నాడు.

'కల్కి' టైటిల్ తో 1980ల నాటి కథతో ఈ సినిమా రూపొందుతోంది. ఈ సినిమాలో ఒక కథానాయికగా నందిత శ్వేత నటించనుందనే వార్తలు వచ్చాయి. అయితే ఆమె ఎంపిక ఖరారు కాలేదని తెలుస్తోంది. ఈ సినిమా కోసం ఆదా శర్మను .. 'బాహుబలి'లో స్పెషల్ సాంగ్ చేసిన 'స్కార్ లెట్ విల్సన్' ను ఎంపిక చేసినట్టుగా వార్తలు వస్తున్నాయి. 'టైటిల్ కైతే మంచి మార్కులు పడ్డాయి .. ఇక సినిమా ఎన్ని మార్కులు తెచ్చుకుంటుందో చూడాలి.