bellamkonda: రొమాంటిక్ హీరోగా బెల్లంకొండ శ్రీనివాస్!

బెల్లంకొండ సాయి శ్రీనివాస్ హీరోగా ఇటీవల ప్రేక్షకుల ముందుకు వచ్చిన 'సాక్ష్యం' .. పరాజయం పాలైంది. దాంతో ఆయన తన తదుపరి ప్రాజెక్టులపై ప్రత్యేక దృష్టి పెట్టాడు. ప్రస్తుతం ఆయన తేజ దర్శకత్వంలో ఒక సినిమా చేస్తున్నాడు. ఈ సినిమాలో కథానాయికగా కాజల్ నటిస్తోంది. ఇక శ్రీనివాస్ అనే యువ దర్శకుడితో కలిసి కూడా బెల్లంకొండ శ్రీనివాస్ ఒక సినిమా చేస్తున్నాడు. ఈ సినిమాలోనూ కథానాయిక కాజల్ కావడం విశేషం.

ఈ నేపథ్యంలోనే బెల్లంకొండ శ్రీనివాస్ మరో ప్రాజెక్టును లైన్లో పెట్టేస్తున్నాడు. రమేశ్ వర్మ దర్శకత్వం వహించనున్న ఈ సినిమాకి అభిషేక్ అగర్వాల్ నిర్మాతగా వ్యవహరించనున్నాడు. ఇప్పటివరకూ మాస్ కంటెంట్ తో కూడిన యాక్షన్ సినిమాలు ఎక్కువగా చేస్తూ వచ్చిన బెల్లంకొండ శ్రీనివాస్, ఈ సినిమాలో రొమాంటిక్ హీరోగా కనిపించనున్నాడని తెలుస్తోంది. ఇందులో ఇద్దరు హీరోయిన్లు ఉండొచ్చనే టాక్ వినిపిస్తోంది. త్వరలోనే మిగతా వివరాలు తెలియనున్నాయి.