Balakrishna: బాలయ్య చేతుల మీదుగా మెమెంటో అందుకున్న ఎన్టీఆర్.. ఆప్యాయంగా హత్తుకున్న బాబాయ్!

హైదరాబాదులోని శిల్ప కళావేదికలో జరుగుతున్న 'అరవింద సమేత' సక్సెస్ మీట్ లో నందమూరి అభిమానులంతా ఎంతగానో ఎదురుచూస్తున్న సన్నివేశం ఆవిష్కృతమైంది. చిత్రంలో నటించిన నటీనటులకు ముఖ్య అతిథిగా హాజరైన బాలయ్య మెమెంటోలను అందించారు. ఈ సందర్భంగా తారక్ కు కూడా బాలయ్య మెమెంటో అందించారు. ఈ సందర్భంగా, తారక్ ను బాలయ్య ఆప్యాయంగా హత్తుకున్నారు. ఈ సన్నివేశాన్ని వీక్షించిన అభిమానులు కేరింతలు కొట్టారు. ఆడిటోరియంలో హర్షాతిరేకాలు వ్యక్తమయ్యాయి.