manchu lakshmi: నేను కూడా లైంగిక వేధింపులను ఎదుర్కొన్నా: మంచు లక్ష్మి

  • సినీ ఇండస్ట్రీలో లైంగిక వేధింపులు ఎదుర్కోలేదు
  • నిజ జీవితంలో ఎదుర్కొన్నా
  • 'మేము సైతం' కార్యక్రమానికి రావాలని పవన్ ను కోరాను

సినీ నటి మంచు లక్ష్మి సంచలన విషయాన్ని వెల్లడించింది. తాను కూడా లైంగిక వేధింపులను ఎదుర్కొన్నానని ఆమె తెలిపింది. అయితే సినిమా ఇండస్ట్రీలో వేధింపులను ఎదుర్కోలేదని... నిజ జీవితంలో ఎదుర్కొన్నానని చెప్పింది. ఓ నెటిజన్ అడిగిన ప్రశ్నకు బదులుగా ఆమె ఈ విషయాన్ని వెల్లడించింది.

మరోవైపు 'మేము సైతం' అనే టీవీ కార్యక్రమాన్ని మంచు లక్ష్మి నిర్వహిస్తున్న సంగతి తెలిసిందే. ఈ కార్యక్రమానికి పలువురు సినీ ప్రముఖులు వస్తుంటారు. ఈ నేపథ్యంలో 'పవన్ కల్యాణ్ ను ఈ కార్యక్రమానికి తీసుకురావచ్చు కదా?' అని ఓ నెటిజన్ అడిగాడు. దీనికి సమాధానంగా... 'కార్యక్రమానికి రావాలని పవన్ కల్యాణ్ ను చాలా సార్లు అడిగాను. ఇంకా ఆయన నుంచి సమాధానం రాలేదు' అని చెప్పింది.

More Telugu News