uppal test: ఉప్పల్ టెస్ట్ లో భారత్ ఘన విజయం.. సిరీస్ టీమిండియా కైవసం

వెస్టిండీస్ తో జరిగిన రెండు టెస్టుల సిరీస్ ను టీమిండియా కైవసం చేసుకుంది. ఉప్పల్ వేదికగా జరిగిన రెండో టెస్టు మ్యాచ్ లో వెస్టిండీస్ పై పది వికెట్ల తేడాతో గెలిచిన భారత జట్టు ఈ సిరీస్ ను చేజిక్కించుకుంది. రెండో టెస్టులోనూ మూడు రోజుల్లోనే ఆట ముగిసింది. రెండో ఇన్నింగ్స్ లో 127 పరుగులకే విండీస్ జట్టు ఆలౌట్ అయింది.

విండీస్ నిర్దేశించిన 72 పరుగుల విజయ లక్ష్యంతో బరిలోకి దిగిన భారత్ ఆ లక్ష్యాన్ని సునాయాసంగా ఛేదించింది. రెండు టెస్టుల సిరీస్ ను 2-0తో భారత్ కైవసం చేసుకుంది. కాగా, తొలిసారి టెస్టు మ్యాచ్ లో టీమిండియా బౌలర్ ఉమేశ్ యాదవ్ పది వికెట్లు పడగొట్టడం విశేషం. ఇదిలా ఉండగా, వెస్టిండీస్ జట్టుతో భారత్ ఐదు వన్డేలు, మూడు టీ-20 మ్యాచ్ లు ఆడనుంది.  

- వెస్టిండీస్ తొలి ఇన్నింగ్స్ 311/ఆలౌట్, రెండో ఇన్నింగ్స్ 127/ఆలౌట్

- భారత్ తొలి ఇన్నింగ్స్ 367/ ఆలౌట్, రెండో ఇన్నింగ్స్ 72/ 0