Panasonic: వైర్ లెస్ ఛార్జింగ్ ఫీచర్ తో పానసోనిక్ నుండి నూతన స్మార్ట్ ఫోన్ విడుదల!

నాలుగు నెలల అనంతరం జపాన్ ఎలక్ట్రానిక్స్ ఉత్పత్తిదారు సంస్థ పానసోనిక్ నుండి రెండు స్మార్ట్ ఫోన్లు విడుదల అయ్యాయి. 'పానసోనిక్ ఎలూగా ఎక్స్ 1', 'పానసోనిక్ ఎలూగా ఎక్స్ 1 ప్రో' పేరిట విడుదలైన ఈ రెండు ఫోన్లలో 6.18 అంగుళాల టచ్ స్క్రీన్, మీడియా టేక్ హీలియో పీ60 చిప్ సెట్ తో పాటు వెనక భాగంలో 16/5 మెగాపిక్సెల్ గల రెండు కెమెరాలని ఏర్పాటు చేశారు. అలాగే వీటిలో 16 మెగాపిక్సెల్ సెల్ఫీ కెమెరా ఉంది. 

'ఎలూగా ఎక్స్ 1 ప్రో'లో అదనంగా వైర్ లెస్ ఛార్జింగ్ లాంటి మరో ఫీచర్ కలిగి ఉండటం విశేషం. సిల్వర్, గ్రే కలర్లలో లభించే ఈ ఫోన్లు ఈ నెల 10 నుండి మార్కెట్లోకి అందుబాటులోకి రానున్నాయి. 6 జీబీ ర్యామ్, 128 జీబీ ఇంటర్నల్ స్టోరేజ్ ఫీచర్ గల 'పానసోనిక్ ఎలూగా ఎక్స్ 1 ప్రో' ఫోన్ ధర రూ. 27,000 ఉండగా, 4 జీబీ ర్యామ్, 64 జీబీ ఇంటర్నల్ స్టోరేజ్ గల 'పానసోనిక్ ఎలూగా ఎక్స్ 1' ఫోన్ ధర రూ. 23,000గా ఉంది. కాగా, ఈ రెండింటిలో కూడా 3000 ఎంఏహెచ్ బ్యాటరీని సపోర్ట్ చేస్తుంది.