Revanth Reddy: రేవంత్ రెడ్డికి సంబంధించిన పాత విషయాన్ని బయటపెట్టిన గట్టు రామచంద్రరావు

తెలంగాణ కాంగ్రెస్ వర్కింగ్ ప్రెసిడెంట్ రేవంత్ రెడ్డికి సంబంధించి టీఆర్ఎస్ నేత గట్టు రామచంద్రరావు ఓ విషయాన్ని తెలిపారు. హైదరాబాద్ ఎల్బీనగర్ లో దొంగ ఓటు వేస్తూ పట్టుబడిన చిన్న కార్యకర్త రేవంత్ రెడ్డి అని చెప్పారు. అలాంటి రేవంత్ రెడ్డి ఇన్ని వందల కోట్లు ఎలా సంపాదించారని ప్రశ్నించారు.

రేవంత్ రెడ్డి తప్పు చేయలేదని ఏ ఒక్క కాంగ్రెస్ నేత కూడా చెప్పలేదని... రాష్ట్రానికి ద్రోహం చేయవద్దు అనుకుంటే రేవంత్ ను సమర్థించకుండా ఉండాలని అన్నారు. రేవంత్ మరో డేరా బాబా అంటూ తీవ్ర వ్యాఖ్యలు చేశారు. 'రేవంత్ ఇళ్లలో జరుగుతున్న సోదాల వెనక ఏ కాంగ్రెస్ నేత ఉన్నాడో' అంటూ అనుమానం వ్యక్తం చేశారు. టీడీపీలో కూడా రేవంత్ కు చాలా మంది శత్రువులు ఉన్నారని చెప్పారు.