Ranveer: రణ్ వీర్, దీపికల వివాహం వాయిదా?

బాలీవుడ్ సెలబ్రిటీ కపుల్ రణ్ వీర్, దీపికా పదుకొనే వివాహం మరికొంత కాలం వాయిదా పడ్డట్టు తెలుస్తోంది. వాస్తవానికి వీరిద్దరూ నవంబర్ లో ఇటలీలోని సముద్ర తీరాన వివాహం చేసుకునేందుకు ముహూర్తం పెట్టేసుకున్నారని, పెళ్లి పనులు ప్రారంభమయ్యాయని, డ్రస్ డిజైనర్లను మాట్లాడేశారని, వెడ్డింగ్ కార్డు డిజైన్ వచ్చేసిందని... ఇలా చాలా వార్తలే వచ్చాయి.

ఇటీవల కొనుగోలు చేసిన ఇంటిని రణ్ వీర్ మెరుగు పరుస్తున్నాడని, కొత్త హంగులతో తీర్చిదిద్దుతున్నారని, పెళ్లయిన తరువాత దీపికతో కలసి ఇక్కడే ఉంటాడని కూడా వినిపించింది. పెళ్లి కోసం షూటింగ్ లు పెట్టుకోకుండా ఉన్నారని తెలుస్తున్న వేళ, పెళ్లి ముహూర్తం ఓ రెండు నెలలు వాయిదా పడ్డట్టు బాలీవుడ్ వర్గాలు అంటున్నాయి. దీనిపై అధికారికంగా స్పష్టత రావాలంటే, రణ్ వీర్ లేదా దీపికల్లో ఎవరో ఒకరు నోరు విప్పాల్సిందే.