Balakrishna: నందమూరి అభిమానులకు మరో సర్ ప్రైజ్.. బయోపిక్ నుంచి 'ఎన్టీఆర్, చంద్రబాబు' పోస్టర్ విడుదల!

ఇప్పటికే చంద్రబాబు ఫస్ట్ లుక్ తో అంచనాలను అమాంతం పెంచేసిన ‘ఎన్టీఆర్’ సినిమా బృందం తాజాగా అభిమానుల కోసం మరో సర్ ప్రైజ్ ఇచ్చింది. వినాయక చవితి సందర్భంగా సినిమాకు సంబంధించిన మరో పోస్టర్ ను ఈ రోజు విడుదల చేసింది. ఇందులో చంద్రబాబు భుజంపై చేయి వేసిన ఎన్టీఆర్.. ఏదో చెబుతున్నారు.

ఈ సినిమాలో ఎన్టీఆర్ గా బాలకృష్ణ, ఆయన భార్య బసవతారకంగా విద్యాబాలన్ నటిస్తున్నారు. చంద్రబాబు పాత్రను దగ్గుబాటి రానా పోషిస్తున్నారు. ఎన్‌బీకే ఫిలింస్‌ బ్యానర్‌పై బాలకృష్ణ నిర్మిస్తున్న ఈ చిత్రానికి క్రిష్ దర్శకత్వం వహిస్తున్నారు. ఇక ఈ సినిమాలో అక్కినేని నాగేశ్వరరావు పాత్రలో ఆయన మనవడు సుమంత్ నటిస్తున్నాడు. 2019, సంక్రాంతికి ఈ సినిమాను ప్రేక్షకుల ముందుకు తీసుకువచ్చేందుకు చిత్ర యూనిట్ కృషి చేస్తోంది. ఈ సినిమాను తెలుగు, తమిళం, హిందీ భాషల్లో విడుదల చేయనున్నారు.