Mahesh Babu: సూపర్ స్టార్ మహేశ్ న్యూ లుక్.. ఫొటోగ్రాఫర్ కు కాంప్లిమెంట్స్ ఇచ్చిన హీరో!
- మహేశ్ తో అవినాశ్ ఫొటోషూట్
- ఫొటో షూట్ సూపర్ ఫన్ అన్న మహేశ్
- మహారాష్ట్ర భోజనం తిన్నట్లు ట్విట్టర్ లో వెల్లడి
సూపర్ స్టార్ మహేశ్ బాబు హీరోగా వంశీ పైడిపల్లి దర్శకత్వంలో ‘మహర్షి’ సినిమా షూటింగ్ శరవేగంగా సాగుతున్న సంగతి తెలిసిందే. ఈ నేపథ్యంలో తాజాగా ప్రముఖ ఫొటోగ్రాఫర్ అవినాశ్ గోవారికర్ మహేశ్ తో ఫొటోషూట్ నిర్వహించాడు. ఈ ఫొటోలను ట్విట్టర్ లో పంచుకున్న అవినాశ్ ‘సూపర్ చార్మింగ్, సూపర్ ఫాస్ట్ సూపర్ స్టార్. మహేశ్ బాబుతో పోస్ట్ ప్యాకప్ షూట్’ అని ట్వీట్ చేశాడు.
ఈ ట్వీట్ కు మహేశ్ సైతం స్పందించాడు. ‘మీ వర్కింగ్ స్టయిల్ చాలా ఇష్టం. మీతో షూటింగ్ ఎప్పుడూ సూపర్ ఫన్ గానే ఉంటుంది. స్పెషల్ మహారాష్ట్ర భోజనాన్ని బాగా ఎంజాయ్ చేశాను’ అంటూ నవ్వుతున్న ఎమోజీలను ట్వీట్ చేశారు.
