Nippuravv: సరిగ్గా 25 సంవత్సరాల క్రితం బాలయ్య సృష్టించిన రికార్డు... నేటికీ చెక్కు చెదరలేదు!

  • 1993 సెప్టెంబర్ 3న రెండు చిత్రాల విడుదల
  • వెండి తెరలను తాకిన నిప్పురవ్వ, బంగారు బుల్లోడు
  • మళ్లీ అటువంటి రికార్డును అందుకోని తెలుగు హీరో

అది, 1993 సెప్టెంబర్ 3... ఆ రోజుకు తెలుగు చలనచిత్ర చరిత్రలో ఓ ప్రత్యేకమైన స్థానం ఉంది. ఓ టాప్ హీరో నటించిన రెండు చిత్రాలు ఒకే రోజున విడుదలయ్యాయి. నందమూరి నటసింహం నటించిన 'నిప్పురవ్వ', 'బంగారు బుల్లోడు' సినిమాలు విడుదలయ్యాయి. నిప్పురవ్వ ఫ్లాప్ కాగా, బంగారు బుల్లోడు కలెక్షన్ల వర్షం కురిపించింది. అయితే, ఆ రోజుల్లోనే తొలి రోజు కలెక్షన్స్ రూ. 2 కోట్లను దాటిన రికార్డును నిప్పురవ్వ సృష్టించింది.

ఇక రాజమండ్రిలో డైరెక్టుగా రెండు చిత్రాలూ శతదినోత్సవాన్ని జరుపుకున్నాయి. ఓ పెద్ద హీరో నటించిన రెండు చిత్రాలు ఆ తరువాత ఒకేరోజు విడుదలైన దాఖలాలు ఇప్పటికీ లేవు. కోదండరామిరెడ్డి దర్శకత్వంలో నిప్పురవ్వ, రవిరాజా పినిశెట్టి దర్శకత్వంలో బంగారు బుల్లోడు తెరకెక్కాయి. నిప్పురవ్వలో విజయశాంతి, బంగారు బుల్లోడు రమ్యకృష్ణ, రవీనా టాండన్ లు బాలయ్యతో ఆడిపాడారు. ఈ రెండు చిత్రాలకూ ఇది రజతోత్సవ సంవత్సరం కాగా, పాతికేళ్లయినా బాలయ్య సృష్టించిన రికార్డు చెక్కు చెదరలేదు. ఇకపై మరో పెద్ధ హీరో సోలోగా చేసిన రెండు చిత్రాలు ఒకేరోజు విడుదలవుతాయని భావించడం కూడా అత్యాశేనేమో!

More Telugu News