రేపటి నుండి తిరిగి షూటింగ్ లోకి జూనియర్ ఎన్టీఆర్?

తండ్రి నందమూరి హరికృష్ణ దుర్మరణంతో నటుడు జూనియర్ ఎన్టీఆర్, వారి కుటుంబసభ్యులు తీరని విషాదంలో మునిగిపోయారు. తమ తండ్రిని ఎంతో అమితంగా ప్రేమించిన జూనియర్ ఎన్టీఆర్, కల్యాణ్ రామ్ లు ఈ విషాదం నుంచి ఎప్పటికి తేరుకుంటారన్నది కాలమే నిర్ణయించాలి.

ఇదిలా ఉండగా, త్రివిక్రమ్ దర్శకత్వంలో జూనియర్ ఎన్టీఆర్ నటిస్తున్న చిత్రం ‘అరవింద సమేత’. ఈ చిత్రం షూటింగ్ లో జూనియర్ ఎన్టీఆర్ తిరిగి పాల్గొననున్నట్టు తెలుస్తోంది. రేపటి నుంచి షూటింగ్ కు ఆయన వెళతారని తెలుస్తోంది. ఇక, కల్యాణ్ రామ్ కూడా తన కొత్త చిత్రం షూటింగ్ లో తిరిగి పాల్గొంటారని తెలుస్తోంది. సోమవారం నుంచి ఈ చిత్ర షూటింగ్ లో ఆయన పాల్గొననున్నట్టు ఫిల్మ్ నగర్ వర్గాల సమాచారం.