nagashaurya: 'నర్తనశాల' టైటిల్ కి ముందు @ అనే సింబల్ ను అందుకే తగిలించారట!

నాగశౌర్య కథానాయకుడిగా '@ నర్తనశాల' చిత్రం రూపొందింది. శ్రీనివాస చక్రవర్తి దర్శకత్వం వహించిన ఈ సినిమాలో కాశ్మీరా .. యామినీ భాస్కర్ కథానాయికలుగా నటించారు. రేపు ఈ సినిమా భారీస్థాయిలో ప్రేక్షకుల ముందుకురానుంది. ఈ సినిమాకి '@ నర్తనశాల' అనే టైటిల్ పెట్టిన దగ్గర నుంచి, 'నర్తనశాల' టైటిల్ కి ముందు '@' అనే సింబల్ ను ఎందుకు పెట్టి వుంటారు? అనే ఆసక్తి అందరిలోనూ తలెత్తింది.

తాజాగా నాగశౌర్య అందుకు సమాధానమిచ్చాడు. 'నర్తనశాల' అనే టైటిల్ తో సినిమా చేయడానికి బాలకృష్ణగారికంటే ముందుగా ఎన్టీఆర్ కూడా  చాలా ప్రయత్నాలు చేశారు. కానీ ఎందుకనో ఆ టైటిల్ తో అనుకున్న ప్రతి ప్రాజెక్టు ఆగిపోతూ వచ్చింది. ఈ విషయాన్ని నాకు మా నాన్న గుర్తు చేశారు. దాంతో ఆ సెంటిమెంట్ ప్రభావం ఈ ప్రాజెక్టుపై ఉండకూడదనే ఉద్దేశంతో టైటిల్ కి ముందుగా '@' అనే సింబల్ ను ఉంచాము' అని అన్నాడు. ఈ సినిమాలో తాను 'గే' పాత్రలో కనిపిస్తానని చెప్పేసి ఈ టైటిల్ పెట్టామేగానీ, అలనాటి 'నర్తనశాల'కి .. తమ కథకి ఎలాంటి సంబంధం ఉండదని చెప్పుకొచ్చాడు.