Arjun Reddy: రక్తమోడుతున్న చేతులతో సిగరెట్... 'అర్జున్ రెడ్డి' తొలి ఫొటో... 'ఏం క్రేజయ్యా' అంటున్న నెటిజన్లు!

  • 'అర్జున్ రెడ్డి' విడుదలై ఏడాది
  • తొలి పిక్ ను షేర్ చేసుకున్న విజయ్ దేవరకొండ
  • నిమిషాల్లో వేలాది షేర్లు, లైక్స్

'అర్జున్ రెడ్డి'... విజయ్ దేవరకొండ హీరోగా నటించగా, గత సంవత్సరం విడుదలైన ఈ చిత్రం యూత్ కు ఎంతగా కనెక్ట్ అయ్యిందో ప్రత్యేకించి చెప్పనవసరం లేదు. కలెక్షన్ల సునామీని సృష్టించిన ఈ చిత్రం, యూత్ ను మళ్లీ మళ్లీ సినిమా హాల్స్ వైపు పరుగులు పెట్టించింది. గత సంవత్సరం ఆగస్టు 25న ఈ సినిమా విడుదల కాగా, ఏడాది తరువాత, 'అర్జున్ రెడ్డి' కోసం తీసిన తొలి ఫొటో అంటూ విజయ్, తన సోషల్ మీడియాలో ఓ పిక్ పోస్టు చేశాడు.

చేతుల నిండా రక్తపు మరకలతో సిగరెట్ తాగుతున్నట్టున్న ఈ చిత్రం, నిమిషాల్లో వైరల్ అయిపోయింది. దీనికి లైకుల మీద లైకులు, వేలల్లో షేర్లు వచ్చాయి. దీంతో యువతలో విజయ్ దేవరకొండకు ఎంత క్రేజ్ ఉందో మరోసారి తెలిసొచ్చింది. ఈ పిక్ చూసిన వాళ్లంతా వెరైటీగా కామెంట్స్ చేస్తున్నారు. "ఏందయ్యా ఇది? ఇంత క్రేజా?" అని ప్రశ్నిస్తున్న వారూ లేకపోలేదు. "నువ్వు ఏం చేసినా ఇంతేనా?", "నీ టైమ్ నడుస్తోంది" అన్న కామెంట్లూ వచ్చాయి.

More Telugu News