triple talaq: రాజ్యసభలో ట్రిపుల్ తలాక్ బిల్లుపై ఈసారీ జరగని చర్చ!

ప్రస్తుత పార్లమెంట్ వర్షాకాల సమావేశాల్లోనూ ట్రిపుల్ తలాక్ బిల్లు ప్రవేశపెట్టేందుకు కుదర్లేదు. ముస్లిం మహిళల కోసం తీసుకొచ్చిన ట్రిపుల్ తలాక్ బిల్లుపై రాజ్యసభలో ఈరోజు చర్చ జరగాల్సి ఉంది. కానీ, పార్టీల మధ్య ఏకాభిప్రాయం లేకపోవడంతో ఈ బిల్లును సభలో ప్రవేశపెట్టడం లేదని రాజ్యసభ చైర్మన్ వెంకయ్యనాయుడు ప్రకటించారు.

పార్లమెంట్ వర్షాకాల సమావేశాలు నేటితో ముగియనున్నందున ఈ బిల్లును వచ్చే సమావేశాలకు వాయిదా వేస్తున్నట్టు ఆయన తెలిపారు. ఇక పార్లమెంట్ శీతాకాల సమావేశాల్లో ఈ బిల్లు చర్చకు రానుంది. కాగా, ట్రిపుల్ తలాక్ ను నేరంగా పరిగణించేలా తీసుకొచ్చిన ఈ బిల్లు 2017 డిసెంబరు 28న లోక్ సభలో ఆమోదం పొందింది. రాజ్యసభలో బీజేపీకి సంఖ్యాబలం లేకపోవడంతో ఈ బిల్లు ఆమోదం పొందలేకపోయింది.