ap7am logo

'నా భార్యంటే, నా భార్యంటూ' యువతి కోసం రోడ్డుపై రచ్చ... వీడియో చూడండి!

Sun, Aug 05, 2018, 11:02 AM
  • కర్ణాటకలో ఘటన
  • విడాకులు పొందిన మహిళను చేసుకునేందుకు ఇద్దరి యత్నం
  • రోడ్డుపై వాగ్వాదం, పిడిగుద్దులు
ఓ మహిళ తన భార్యంటే, తన భార్యని ఇద్దరు వ్యక్తులు నడిరోడ్డుపై నానాయాగీ చేసిన ఘటన కర్ణాటకలోని నెలమంగల తాలూకా బివికెరె వద్ద నిన్న సాయంత్రం జరిగింది. పోలీసులు వెల్లడించిన వివరాల ప్రకారం, చిక్కబిదరకల్లు ప్రాంతానికి చెందిన మూర్తి, సిద్ధు అనే వ్యక్తులు, ఓ మహిళ కోసం వాగ్వాదానికి దిగారు. రోడ్డుపై పిడిగుద్దులు గుద్దుకున్నారు. ఆమెను చెరో చెయ్యి పట్టుకుని లాగారు.

చుట్టూ చూస్తున్న వారు వారిని విడిపించే ప్రయత్నం చేయకపోగా, వీడియో తీసి సోషల్ మీడియాలో పెట్టారు. ఈ వార్తను కన్నడ టీవీ చానళ్లు వైరల్ చేశాయి. ఇక్కడ అసలు విషయం ఏంటంటే, సదరు మహిళ, తన భర్తకు విడాకులు ఇచ్చి ప్రస్తుతం ఒంటరిగా ఉంటోందట. ఆమెను పెళ్లి చేసుకోవాలని భావిస్తున్న ఈ ఇద్దరూ ఇలా గొడవకు దిగారట. వీరి మధ్య రాజీ కుదిర్చేందుకు పోలీసులు ప్రయత్నిస్తున్నట్టు తెలుస్తోంది. రాజీ కుదుర్చుకోకుంటే కేసులు తప్పవని వారు హెచ్చరిస్తున్నారట.
Do you hate Fake News, Misleading Titles, Cooked up Stories and Cheap Analyses?...
We are here for YOU: Team ap7am.com
X

Feedback Form

I agree to Terms of Service & Privacy Policy
GarudaVega Banner Ad