raana: క్రిష్ .. బాలకృష్ణలతో రానా సెల్ఫీ!

దర్శకుడు క్రిష్ ప్రస్తుతం 'ఎన్టీఆర్' బయోపిక్ షూటింగులో బిజీగా వున్నాడు. సంక్రాంతికి విడుదల కావలసిందేననే ఉద్దేశంతో బాలకృష్ణ ఉండటంతో, క్రిష్ చకచకా కానిచ్చేస్తున్నాడు. రీసెంట్ గా ఆయన బాలకృష్ణ .. విద్యాబాలన్ కాంబినేషన్లోని సన్నివేశాలను చిత్రీకరించాడు. రానా ఈ షూటింగులో జాయిన్ కానున్నాడనీ .. చంద్రబాబునాయుడు పాత్రను ఆయన పోషించనున్నాడనే వార్తలు వచ్చాయి.

 అంతా అనుకుంటున్నట్టుగానే ఈ సినిమా షూటింగులో రానా జాయిన్ అయ్యాడు. ఈ సందర్భంలో బాలకృష్ణ .. క్రిష్ తో ఆయన సెల్ఫీ తీసుకున్నాడు. నిజంగానే ఈ సినిమాలో రానా నటించనున్నాడా? అనే ఒక సందేహం నెటిజన్స్ లో ఉండేది. తాజాగా బాలకృష్ణ .. క్రిష్ లతో కలిసి తాను తీసుకున్న సెల్ఫీని రానా పోస్ట్ చేయడంతో ఆ సందేహాలకు తెరపడిపోయింది.