ashok galla: మహేశ్ బాబు మేనల్లుడి సినిమాకి కొత్త దర్శకుడు!

తెలుగులో మహేశ్ బాబుకి గల క్రేజ్ గురించి ప్రత్యేకంగా చెప్పుకోవలసిన పనిలేదు. అందువలన ఆయన ఫ్యామిలీ వైపు నుంచి ఎవరు హీరోగా వస్తున్నారన్నా అభిమానుల్లో ఒక రేంజ్ లో ఆసక్తి ఉంటుంది. ఈ నేపథ్యంలోనే మహేశ్ బాబు మేనల్లుడు గల్లా అశోక్ ను హీరోగా తెలుగు తెరకి పరిచయం చేయడానికి కొంతకాలంగా సన్నాహాలు జరుగుతున్నాయి.

ఈ సినిమాను నిర్మిస్తోన్న దిల్ రాజు .. దర్శకుడిగా మొదట్లో కృష్ణారెడ్డి గంగదాసును ఎంపిక చేశారు. 'ఆడు మగాడ్రా బుజ్జి' సినిమాకి దర్శకత్వం వహించిన కృష్ణారెడ్డి .. కొంతకాలంగా ఈ ప్రాజెక్టుపైనే వర్క్ చేస్తున్నాడు. అయితే కొన్ని కారణాల వలన ఇప్పుడు ఆ దర్శకుడిని పక్కన పెట్టేసి .. శశి అనే కొత్త దర్శకుడికి ప్రాజెక్టును అప్పగించినట్టుగా సమాచారం. ఒక టర్కీ మూవీకి రీమేక్ గా ఈ సినిమా రూపొందనుందని అంటున్నారు. త్వరలోనే ఈ ప్రాజెక్టుకి సంబంధించిన పూర్తి వివరాలను వెల్లడించనున్నారు.