Icc: నంబర్ వన్ బ్యాట్స్ మన్ రోజర్ ఫెదరర్!: ఐసీసీ

వింబుల్డన్ సెంట్రల్ కోర్టులో మ్యాచ్ ఆడుతూ రోజర్ ఫెదరర్ కొట్టిన ఫార్వార్డ్ డిఫెన్స్ క్రికెట్ షాట్ ను చూసిన ఐసీసీ స్పందించింది. ఈ షాట్ వీడియోను తన అధికారిక ట్విట్టర్ ఖాతాలో పంచుకున్న వింబుల్డన్, ఫెదరర్ కు ఏ ర్యాంకు ఇస్తారని ప్రశ్నించగా, నంబర్ వన్ ర్యాంకును ఇస్తున్నట్టు చెబుతూ, తన వెబ్ సైట్ పేజీని అప్ డేట్ చేసి, ఆ స్క్రీన్ షాట్ ను పోస్ట్ చేసింది.

స్విట్జర్లాండ్ కు చెందిన రోజర్ ఫెదరర్, బ్యాటింగ్ ర్యాంకింగ్స్ లో నంబర్ వన్ అని తెలిపింది. ఇతనికి ఆడటం చేతగాని షాట్ ఏదైనా ఉందా? అని కూడా ప్రశ్నించింది. ఫెదరర్ షాట్ చూసిన టెన్నిస్ ఫ్యాన్స్ తో పాటు క్రికెట్ ఫ్యాన్స్ సైతం ఫిదా అవుతూ లైకులు, కామెంట్లు వదులుతున్నారు.