Viral Videos: తృటిలో ప్రమాదం నుంచి తప్పించుకున్న కొత్త జంట... వైరల్‌ వీడియో
- పార్కుకి వెళ్లి అక్కడి పచ్చని అందాల మధ్య వీడియో
- చెట్టుకింద కూర్చున్న నవ వధూవరులు
- ఒక్కసారిగా కొమ్మ విరిగిపడ్డ వైనం
- గమనించి వెంటనే తప్పించుకున్న జంట
పెళ్లి చేసుకుని పార్కుకి వెళ్లి అక్కడి పచ్చని అందాల మధ్య వీడియో తీసుకుంటోన్న ఓ జంటకు భయానక అనుభవం ఎదురైంది. వారు తృటిలో ప్రమాదం నుంచి తప్పించుకున్నారు. ఇందుకు సంబంధించిన వీడియో ప్రపంచ వ్యాప్తంగా వైరల్‌ అవుతోంది. అమెరికాకు చెందిన చెయెన్నె, లుకాస్‌ జంట వైభవంగా పెళ్లి చేసుకుంది.
వెడ్డింగ్ వీడియో షూట్‌లో పాల్గొంటూ ఓ చెట్టు కింద వారిద్దరూ కూర్చున్నారు. మొదట పెళ్లి కొడుకుకి చెట్టుపై నుంచి ఓ శబ్దం వినిపించింది. ఏంటా అని వారిద్దరూ పైకి చూసేసరికి ఓ కొమ్మ విరిగి తమపై పడుతున్నట్లు తెలిసింది. దీంతో ఆ క్షణమే అక్కడి నుంచి లేచి పరుగులు తీశారు. ఈ వీడియో టీజర్‌ను వారే సామాజిక మాధ్యమాల్లో పోస్ట్ చేశారు.
